close
Dialogs
A: coi .robert.
B: coi .nik.
A: xu ti selpo'e do gi'e karce
B: na go'i .i lo mi karce cu va zvati
A: lo xunre xu
B: .ie
A: karce .a'u
B: .iacu'i .i mi co'u se cinri
A: .e'o ko vecnu lo karce mi .i mu'i bo lo za'i do ponse ra cu na'e cinri
B: vecnu fo loi rupnu po'o be li paki'oki'o
A: xu tolyfadni jdika va'u lo pendo
B: go'i .i jdika zo'e li muno
A: .abu dunda loi jdini by
A: vi zvati.i li'a loi jdini cu pelji .aucu'i .i je ti dacti gi'e karce
B: mi zmanei loi pelji .i ti makfa pelji gi'e kakne lonu binxo ro lo seldji
A: na go'i .i na'e binxo ro nunpe'o .i sa'e lo mi nunpe'o
B: .a'unai
A: loi jdini cu krasi ro nunpalci
B: .ianai mu'i ma da'inai do ricfu jy.


A: coi
B: coi lojbo tadni
A: do facki lo du'u mi tadni la lojban. kei ta'i ma
B: do rinsa mi bau la lojban. u'i
A: go'i
B: ma gugde do
A: la kanadas.
B: je'e .i mi se gugde lo dotco
A: mi nelci lo dotco birje
B: mi na pinxe lo birje
A: do ro xu xalka naku pinxe
B: lo birje po'o .i mi na nelci le vrusi
A: do nelci lo vanju xu
B: mutce go'i
A: si'a lo speni be mi cu go'i
B: .ui
A: mi mutce caucni lo speni be mi
B: pu mo
A: mi ca tibli'u le drata tcadu .ije mi ba viska ra punaijeba le jeftu be li re
B:.uu
A: lo speni be mi cu mutce melbi
B: .ui
A: lo clani cu kerfa sy.
B: mi zmadu nelci lo ninmu pe lo tordu kerfa
A: mi no'e se trina lo ninmu pe lo tordu kerfa
B: lo tordu kerfa cu traji loni trina
A: .ie.iacu'i
B: mi bilga lonu mi klama co'o
A: co'o


A: coi .aleks.
B: coi .djein .ua lo cnino cu tarmi loi do kerfa
A: .ienai na go'i .i lo tarmi cu co'a mintu ri ca lo remoi prujeftu .i xu do na pu viska
B: xu mintu .i la'a mi mutce gunka
A: ko na xanka .i xu do djuno lo du'u la keit. pu cliva
B: .uesai mo A: bi'unai cliva .i ky. cliva ca lo prulamdei .i jinga fo lo funca nunkei
B: xu jinga loi mutce
A: mi na djuno .i ku'i ky. simlu loka mutce gleki
B: .ianai mi na ka'e krici .i la'a lo drata cu krinu.i ku'i ky. na cusku
A: .ie ju'oru'e go'i .i ze'e mutce mipri
B: .ienai du'e cliva ti .i la djek. pamoi go'i .i babo la djudyt. ca lo cibma'i .i caku la keit.
A: do djuno lonu ba'e ma kau fuzme la'e de'u
B: mi ki'a .i na djuno
A: na'i do ja'a djuno
B: .ienai na go'i .i do pensi lonu go'e kei mu'i ma