la stika
.i xau ro cmalu prenu poi terpa lo ka troci


la stika cu nixli gi'e ca terpa lo ka zbasu lo pixra
.i le papri cu barda .i la stika co'a zutse gi'e co'a badri
.i lo se klaku ca'o farlu
.i ba zi ku pa cipni cu klama .i le cipni ca xagji cmoni
u'u mi na ka'e sidju .i mi na banzu vlipa
.i mi na ka'e zbasu su'o titla xau do
.i le cmalu cipni cu darci le burcu
.i pa dirgo cu farlu
.i le cipni cu zalvi je citka le dirgo gi'e denpa tu'a lo cnino dirgo
.
i mi na kakne lo ka zbasu lo pixra
.i ku'i ai mi troci tu'a lo tsiju
.i la stika cu zbasu so'o pelxu barna
.i ue pa blanu barna to'e canci bu'u lo galtu be le papri
.i ku'i lo drata pagbu be le papri za'o kunti
.i ku'i da se platu la stika
. i la stika co'a jmina lo cinta .i go'i fi pa boxfo xau pa sipna cribe .i go'i fi pa spisa be lo skori xau pa lorxu .i go'i fi lo mapni bolci xau pa respa .i go'i fi lo smoka xau pa jukni noi lo jamfu be ke'a cu so'i mei


.i ba zi ku la stika cu viska lo sampu morna poi la stika pu zbasu. i la stika cu aidji lo ka ru'i gunka
.i so'i da za'o se zukte ei


.i la stika cu bajra fa'a ti .e tu .i la stika cu satre le papri le burcu gi'e kelci gi'e cilre gi'e co'a pendo lo cnino prenu gi'e finti lo se sanga .i la stika cu punji lo cinta gi'e co'a sanji lo nu la stika cu kakne ma kau
.i la stika cu polje lo tance gi'e cnici gunka


.i lo solri co'a canci .i ei la stika ca co'u gunka
.i ku'i ca lo vacmurse lo se zbasu be la stika za'o te gusni
.i la stika cu jai gau ganlo fai lo kanla gi'e co'a sipna gi'e senva tu'a lo tsani e lo se skari


.i ca lo cermurse la stika co'a cikna .i le solri cu rinsa la stika .i lo morna poi se zbasu la stika ca za'u re'u carmi


.i le banli pixra pe la stika co'a mulno


i fanmo